Ginurit ka sa kurit
Paghilingon ang panginoron
Huna mo ambon sana
Araachan nag tatagiti na
Pahuraw huraw pag inabot na nin uran
Minsan yaon ka pa sa dalan
Miski mayo ka pang pamahaw
Nagpipirit magiskusar
Pinaghuhurop huropan
Puntos sa balintataw
Masakit manambitan
Krus na pirmi mong pasan
Agihon ta na sana sa pagrokyaw
Sabi ninda magsarig ka sana
Dae ka nya pababayaan
Siring kan mga umboy
Na mayong pagkaaram
Pero bantay sarado kan mga langitnon
Dae mo man maintindihan
Arog talaga kayan
Minsan hararom ang sakuyang agam agam
Ruripon mo man
Siguro dae mo na lang
Masakit pero minsan mas marhay ng ipasipara ta na lang
Maabot ang panahon
Magkakairintindihan ta na lang yan
Sa ngonian mantiniron mo na lang natad mo kaysa pagparatanawon sa balyo mga isipon na bako mo naman.
Mabalos miski habo mo magrabos
Tara igdi ka pag pagal ka na kan gabos
Sigurado dae ka nya papabayaan
hanggan sa huri mo nin paghangos.
Lakaw na sa dalan ta yaon na sya duman naghahalat saimong mga panambitan.
Uya na oras mo dae mo na pagtumangan satuyang kaglalang orgulyo ka poon kadto hanggang sa kahurihurihan.
Salamat igdi sa kahadean.
Mutuninong na ang kalangitan
Sana kita man halat ta ipangadyi ta yan.
Dae ka na mag andam
Sigurado dae ka nya pababayaan.
0 Thoughts:
Post a Comment